काठमाडौं । सार्वजनिक ऋण व्यवस्थापन कार्यालयले आइतबार १८ अर्ब ५० करोडको ट्रेजरी बिल नविकरण गर्दैछ । आन्तरिक ऋण उठाउने उद्देश्यले जारी गरेको उक्त रकम बराबरको ट्रेजरी बिलमा नेपाल राष्ट्र बैंकबाट इजाजत प्राप्त क, ख र ग वर्गका बैंक तथा वित्तीय संस्थाहरुले सहभागी हुन सक्ने छन् । कर्जा लगानी गर्न नसक्दा आन्तरिक ऋण उठाउने प्रयोजनका लागि सरकारले जारी गरेको ट्रेजरी बिलमा बैंक तथा वित्तीय संस्थाहरुले प्रतिस्पर्धा गर्न लागेको हुन् ।
कार्यालयका अनुसार २८ दिनका लागि ५ अर्ब, ९१ दिनका लागि ८ अर्ब ५० करोड बराबरको र १८२ दिनका लागि ५ अर्ब बराबरको ट्रेजरी बिल बोलकबोल गर्न लागिएको हो । यो ट्रेजरी बिल क्रमशः २०८१ चैत २६ गते , २०८२ जेठ २७ गते र २०८२ फागुन २६ गते भित्र परिपक्व हुनेछ । २८ दिन, ९१ दिन र ३६४ दिन अवधि रहने ट्रेजरी बिलको लागि सोमबार १० बजे देखि ३ बजेसम्म आवेदन दिन सकिने छ ।
यसअघि फागुन १९ गते कार्यालयले ट्रेजरी बिल सार्वजनिक गरेको थियो । ९१ दिनको लागि ६ अर्ब ४ करोड बराबरको ट्रेजरी बिल सार्वजनिक गरेको थियो । ६ अर्ब ४ करोड बराबरको ट्रेजरी बिलका लागि १६ अर्ब ४० करोड बराबरको बोल परेको थियो । जसमा औषत छुटदर २.९५०० प्रतिशत रहेको थियो । अर्को १८२ दिनको लागि ५ अर्ब बराबरको ट्रेजरी बिल सार्वजनिक गरेको थियो । ५ अर्बको ट्रेजरी बिलका लागि १० अर्ब ८९ करोड बराबरको बोल परेको थियो । जसमा औषत छुटदर २.९९९९ प्रतिशत रहेको थियो । र अर्को ३६४ दिनको लागि ५ अर्ब बराबरको ट्रेजरी बिल सार्वजनिक गरेको थियो । ५ अर्बको ट्रेजरी बिलका लागि १२ अर्ब १९ करोड बराबरको बोल परेको थियो । जसमा औषत छुटदर ३.०५०० प्रतिशत रहेको थियो ।
पछिल्लो सयम ट्रेजरी बिल बिक्री नभए सँगै कार्यालयले ५ अर्बको नविकरण गरेको हो । । ट्रेजरी बिलको छुटदर ३ प्रतिशत भन्दा पनि तल रहेसँगै प्रतिस्पर्धा बढेको हो । तरलता प्रशोचन गर्ने क्रममा बैंकहरुको आर्कषण ट्रेजरी बिलमा बढेको हो । तरलता प्रशोचनका लागि बैंकहरुले ऋणपत्रमा लगानी गर्न खोजिरहेका छन् , जसले गर्दा अल्पकालिन ब्याजदरहरु समेत घट्दै गएका छन् ।
