काठमाडौं । अर्थमन्त्री वर्षमान पुनले अन्तरिक राजस्व विभाग र भन्सार विभागको महानिर्देशक सहित मन्त्रालयका सहसचिबको सरुवा गरेका छन् । आन्तरिक राजस्व बिभागको महानिर्देशक शिवलाल तिवारी बनेका छन् भने भन्सार बिभागको महानिर्देशक ढुण्डीराज निरौलालाई बनेका छन् ।
तिवारी राजस्व पृष्ठभूमिका सहसचिब हुन् उनले ठूला करदाता कार्यालयको प्रमुखको रुपमा समेत काम गरिसकेका छन् ।
भन्सार बिभागको महानिर्देशक बनेका ढुण्डीराज निरौलाले मध्यमस्तरीय कर कार्यालयको जिम्मेवारी निर्वाह गरिसकेका छन् ।
यस अघि भन्सार विभागको महानिर्देशक रहेका शोभाकान्त पौडेललाई सार्वजनिक वित्त व्यवस्थापन तालिम केन्द्रको प्रमुख बनाईएको छ ।
तालिम केन्द्रमा रहेका राम प्रसाद आचार्यलाई मन्त्रालय ल्याइएको छ। राजस्व व्यवस्थापन महाशाखा प्रमुख रहेका रितेश कुमार शाक्यलाई बजेट तथा कार्यक्रम महाशाखाको जिम्मेबारी तोकिएको छ ।
राजस्व महाशाखामा धनिराम शर्मा आएका छन् भने उत्तर कुमार खत्रीलाई योजना, अनुगमन शाखामा सरुवा गरिएको छ ।
