नेशनल बैकिङ्ग इन्स्टिच्युट र सिद्वार्थ बैंक ले “नेपालमा विद्युतिय सवारी साधनमा वित्तिय लगानीको सम्भाव्यता” का बारेमा अध्ययन अध्ययन गर्ने भएका छन् ।
“नेपालमा विद्युतिय सवारी साधनमा वित्तिय लगानीको सम्भाव्यता” का बारेमा अध्ययन गर्ने नेशनल बैकिङ्ग इन्स्टिच्युट र सिद्वार्थ बैंक ले सम्झौता गरेका हुन् । सम्झौतामा सिद्वार्थ बैंकका प्रमुख कार्यकारी अधिकृत सुन्दर प्रसाद कंडेल र नेशनल बैकिङ्ग इन्स्टिच्युटका प्रमुख कार्यकारी अधिकृत कुमार लम्सालले हस्ताक्षर गरेका हुन् ।
बैङ्क र नेशनल बैकिङ्ग इन्स्टिच्युटको सम्झौता अनुसार नेपालमा विद्युतिय सवारी साधनमा वित्तिय लगानीको सम्भावनाका बारेमा अध्ययन अनुसन्धान गरी अध्ययन प्रतिवेदन तयार गर्नेछ ।
नेपालमा र्बैक तथा वित्तिय संस्थामा क्षमता अभिवृद्विका क्षेत्रमा काम गरिरहेको नेशनल बैकिङ्ग इन्स्टिच्युटले अध्ययन,अनुसन्धानका क्षेत्रमा पनि आफ्नो क्रियाशिलता बढाउदै लगेको छ ।
इन्स्टिच्युटले आगामी दिनमा बैकिङ्ग तथा वित्तिय क्षेत्रका विभिन्न विषयहरुमा अध्ययन, अनुसन्धान गरि मुलुकका बैंक तथा वित्तिय संस्थाहरुलाई आवश्यक सूचना जानकारी तथा तथ्यांङ्क उपलब्ध गराउने लक्ष्य राखेर काम गरिरहेको छ ।
