हङकङ र सिंगापुरले ‘एथलिन अक्साइड’ भएको भनि प्रतिबन्ध लगाएका भारतीय ब्रान्डका चार मसला आयातमा नेपाल सरकारले रोक लगाएको छ।
खाद्य प्रविधि तथा गुण नियन्त्रण विभागका अनुसार भारतका दुई ब्रान्ड एमडीएच र एभरेस्टका ४ प्रकारका मसला आयात तथा बिक्री वितरण रोकिएको हो ।
यी मसला हङकङ र सिंगापुरले ती मसलामा हानिकारक ‘एथलिन अक्साइड’ रहेको भनी आयातमा रोक लगाइसकेका छन् भने अमेरिकाले पनि यस विषयमा अनुसन्धान गरिरहेको छ।
नेपालले एमडीएचको मद्रास करी पाउडर, साम्बर मसला मिक्स्ड मसला पाउडर, करी पाउडर मिक्स्ड मसला र एभरेस्ट ब्रान्डको फिस करी मसलाको आयात र बिक्री वितरणमा प्रतिबन्ध लगाएको हो।
ती मसला बजारमा बाँकी छन् भने तिनलाई समेत फिर्ता गर्न आयातकर्तालाई खाद्य प्रविधि तथा गुण नियन्त्रण विभागले निर्देशन दिएको छ।
अनुसन्धानकर्ताका अनुसार ‘एथलिन अक्साइड’ मानिसमा क्यान्सर गराउन सक्ने रासायनिक पदार्थ हो। यसले स्तन क्यान्सरलगायत विभिन्न क्यान्सर गराउन सक्छ।
एमडीएचर एभरेस्ट मसला भारतमा सबैभन्दा लोकप्रिय उत्पादन हुन्।
