काठमाडौं । यसपाली नाडा अटोमोबाइल्स एसोसियसन अफ नेपालले ‘नाडा ईभी शो’ आयोजना नगर्ने भएको छ । नाडाको बैशाख ९ मा बसेको बैठकले ईभी अटो शो आयोजना गर्ने निर्णय गर्दै मिति तय गर्न व्यवसायीसँग सर्वे गरेको थियो ।
तर, सर्वेका क्रममा व्यवसायीहरुले अहिले व्यवसाय खास नभएको अवस्थामा एकै वर्ष २ वटा अटो शो आयोजना गर्न नसकिने बताएपछि नाडा ईभी अटो शो आयोजना गर्ने निर्णयबाट ‘ब्याक’ भएको हो । नाडाका महासचिव सुरेन्द्र कुमार उप्रेती (सुरेश)का अनुसार अब नाडाले हरेक वर्ष आयोजना गर्दै आएको ‘नाडा अटो शो’ मात्रै आयोजना हुनेछ । नाडा अटो शो भदौ अन्तिमतिर आयोजना हुनेछ ।
उनले अब अटो शो नै ईभीमय हुने भएकाले ईभीका लागि छुट्टै शो आयोजना गर्नुपर्ने अवस्था नरहेको निष्कर्ष निकालिएपछि ईभी अटो शो आयोजना नगरिने बताएका हुन् ।
गाडी तथा मोटरसाइकलको आयातमा प्रतिबन्ध लगाइएको बेला २०७९ असोजमा नाडाले ईभी अटो शो आयोजना गरेको थियो ।
