काठमाडौं । सुनको मूल्यले आजसम्मकै उच्च बिन्दु हाँसिल गरेको छ हिजो प्रतितोला १ लाख ४६ हजार ९ सय रुपैयाँ कायम भएको छापावाल सुनको मुल्य आज प्रति तोला ९ सयले बढेर प्रति तोला १ लाख ४७ हजार ८ सय पुगेको छ । आज प्रति १० ग्राम छापावाल सुनको मुल्य १ लाख २६ हजार ७ सय १५ रहेको छ ।
हिजो प्रति तोला १ लाख ४६ हजार २ रुपैयाँ रहेको तेजावी सुन आज ९ सयले नै बढेर प्रति तोला १ लाख ४७ हजार १ सय पुगेको छ । आज प्रति १० ग्राम तेजावी सुनको मुल्य १ लाख २६ हजार १ सय १५ रहेको छ । नेपाल रत्न तथा आभूषण महासंघका अनुसार आज कायम भएको सुनको मूल्य हालसम्मकै उच्च हो ।
हिजो प्रति तोला १ हजार ८ सय ८५ रहेको चाँदीको मुल्य थोरै घटेर १ हजार ८ सय ७५ रुपैयाँ पुगेको छ । आज १० ग्राम चाँदीको मूल्य १ हजार ६ सय ७ रुपैयाँ ५० पैसा तोकिएको छ ।
