काठमाडौं । सत्ता परिवर्तन सँगै साताको तेस्रो दिन मंगलबार सेयर बजार अत्याधिक बढेको छ । मंगलबार नेप्से परिसूचक ७०.१८ अंकले बढेर २३१०.५९ विन्दुमा पुगेर बन्द भएको छ । क वर्गको मापन गर्ने सेन्सेटिभ इन्डेक्स १२.३३ अंकले बढेर ४०९.५१ बिन्दु पुगेर बन्द भएको छ ।
मंगलबार २३४ वटा कम्पनीको सेयर मूल्य बढ्दा ८ वटा कम्पनीको सेयर मूल्य घटेको छ । मंगलबार ३१५ वटा कम्पनीको २ करोड ५८ लाख ३६ हजार २८५ कित्ता सेयर कारोबार हुदाँ कारोबार रकम भने ९ अर्ब १३ करोड ८६ लाख २९ हजार रुपैयाँ रहेन पुग्यो ।
मंगलबार सबैभन्दा बढी कारोबार हुनेमा ङादी ग्रुप, एनआरएन इन्फ्रास्ट्रक्चर एन्ड डेभलपमेन्ट लिमिटेड, अपि पावर कम्पनी, जानकी फाइनान्स र अरुण भ्याली हाइड्रोपावर डेभलपमेन्ट कम्पनी रहे । ङादी ग्रुपको २१ करोड ७७ लाख रुपैयाँ, एनआरएन इन्फ्रास्ट्रक्चर एन्ड डेभलपमेन्ट लिमिटेडको १८ करोड २७ लाख रुपैयाँ, अपि पावर कम्पनीको १७ करोड ९३ लाख रुपैयाँ , जानकी फाइनान्सको १७ करोड १७ लाख रुपैयाँ र अरुण भ्याली हाइड्रोपावर डेभलपमेन्ट कम्पनीको १६ करोड ७५ लाख रुपैयाँ कारोबार भयो ।
