काठमाडौं । बेष्ट फाइनान्सले संस्थापक शेयर बिक्री गर्ने भएको छ । कम्पनीका संस्थापक शेयरधनीको नाममा रहेको २९ हजार ४८३ कित्ता संस्थापक शेयर बिक्री गर्न लागेको हो ।
उक्त शेयर हाल कम्पनीका विद्यमान संस्थापक शेयरधनीले मात्रै खरिद गर्न पाउनेछन् । फाइनान्सले शेयर खरिद गर्न चाहने इच्छुक बिध्यमान संस्थापक शेयरधनीले ३५ दिनभित्र काठमाडौंको कमलादीस्थित कम्पनीको प्रधान कार्यालयमा निवेदन दिन भनेको छ ।
कम्पनीले तोकेको उक्त समयावधिभित्र संस्थापक शेयरधनीबाट शेयर खरिदका लागि कुनै आबेदन नआएमा शेयर सर्वसाधारण व्यक्ति र संघसंस्थालाई बिक्री गरिने कम्पनीले जनाएको छ ।
