काठमाडौं । बुधबार नेप्से सँगै कारोबार रकम समेत बढेको छ । साताको तेस्रो दिन बुधबार नेप्से परिसूचक ६४.२५ अंकले बढेर २७६०.९० विन्दुमा पुगेर बन्द भएको छ । क वर्गको मापन गर्ने सेन्सेटिभ इन्डेक्स १०.६५ अंकले बढेर ४९६.०३ विन्दुमा पुगेर बन्द भएको छ ।
बुधबार १९१ वटा कम्पनीको सेयर मूल्य बढ्दा ४४ वटा कम्पनीको सेयर मूल्य घटेको छ भने ७ वटा कम्पनीको सेयर मूल्य स्थिर रहेको छ । बुधबार ३३२ वटा कम्पनीको ५ करोड ९ लाख ६७ हजार ९५१ कित्ता सेयर २ लाख ३८ हजार २७२ पटक करोबार हुदाँ कारोबार रकम २१ अर्ब ९१ करोड १५ लाख ३ हजार रुपैयाँ रह्यो । बजार पूँजीकरण रकम भने ४३ खर्ब ८० अर्ब ७७ करोड ११ लाख रुपैयाँ रह्यो ।
बुधबार १३ वटा समूह सूचकको सेयर मूल्य बढेको छ । बैकिङ १६.२७, विकास बैंक १६९.६७, वित्त २६२.२२, होटल र पर्यटन २०८.७२, जलविद्युत ६९.७२, लगानी ६.८९, जीवन बीमा २६४.७०, उत्पादन र प्रशोधन १४१.४६, उत्पादन ३४.३९, म्युअुचल फण्ड ०.२७, निर्जीवन बीमा २४३.६२, व्यापार १०१.७९ र अन्य ७९.९३ अंकले बढेको छ ।
त्यस्तै बुधबार सबैभन्दा बढी कारोबार हुनेमा हिमालयन रिइन्स्योरेन्स, माउन्टेन इनर्जी नेपाल लिमिटेड, शिवम सिमेन्ट, नेपाल फाइनान्स र अपी पावर कम्पनी रह्यो । हिमालयन रिइन्स्योरेन्सको ८४ करोड ४९ लाख रुपैयाँ, माउन्टेन इनर्जी नेपाल लिमिटेडको ४१ करोड ९ लाख रुपैयाँ, शिवम सिमेन्टको ४० करोड २६ लाख रुपैयाँ, नेपाल फाइनान्सको ३८ करोड ९४ लाख रुपैयाँ र अपी पावरको ३७ करोड ८२ लाख रुपैयाँ बराबरको कारोबार भएको छ ।
बुधबार सर्वाधिक कमाउनेमा युनाइटेड अजोड इन्स्योरेन्स, गोर्खाज फाइनान्स, श्री इन्भेष्टमेन्ट फाइनान्स, रिलायन्स फाइनान्स र दिव्यश्वरी हाइड्रोपावर कम्पनी रहे , उक्त कम्पनीहरुको सेयर मूल्यमा सकारात्मक सर्किट लागेको छ । त्यस्तै सिभिल बैंक डिबेन्चर २०८८ को ८ प्रतिशत, आत्मनिर्भर लघुवित्त वित्तीय संस्था लिमिटेडको ७ प्रतिशत, उपकार लघुवित्त वित्तीय संस्थाको ५ प्रतिशत, एशियन हाइड्रोपावर लिमिटेडको ४ प्रतिशत र सिद्धार्थ बैक डिबेन्चर २०८२ को ४ प्रतिशतले सेयर मूल्य घटदै सर्वाधिक गुमाउने कम्पनीहरु रहे ।
