काठमाडौं । संघिय संसद अन्तर्गतका चार संसदीय समितिको बैठक आज बस्दैछ । अर्थ समितिको बैठक बिहान ११ बजे बस्दैछ । बैठकमा अर्थमन्त्रीको उपस्थितीमा बैङ्किङ्ग कसूर तथा सजाय (दोस्रो संशोधन) विधेयक, २०८० उपर दफावार छलफल हुनेछ । त्यस्तै विधायन व्यवस्थापन समितिको बैठक दिउँसो १ बजे बस्नेछ बैठकमा नवीकरणीय ऊर्जा तथा ऊर्जा दक्षता सम्बन्धी विधेयक, २०८१ माथि दफावार छलफल हुनेछ ।
सार्वजनिक नीति तथा प्रत्यायोजित विधायन समितिको बैठक बिहान ११ बजे बस्नेछ वैठकमा समितिको पाँचौ वार्षिक प्रतिवेदन माथि छलफल हुनेछ ।
राज्य व्यवस्था तथा सुशासन समितिको बैठक बिहान ११ बजे बस्नेछ बैठकमा सङ्घीय निजामती सेवाको गठन, सञ्चालन र सेवाका शर्त सम्बन्धमा व्यवस्था गर्न बनेको विधेयकमाथि छलफल गर्ने पस्ताव रहेको छ ।
