काठमाडौं । एभरेष्ट बैंकले लाभांश घोषणा गरेको छ ।
शुक्रबार बैंकको सञ्चालक समितिको बैठकले गत आर्थिक वर्ष २०८०/८१ को नाफाबाट १५.५३ प्रतिशत लाभांश घोषणा गरेको छ । जसमा बोनस शेयर १० प्रतिशत रहेको छ भने कर सहित ५.५३ प्रतिशत नगद लाभांश रहेको छ ।
बैंकले प्रस्ताव गरेको लाभांश राष्ट्र बैंकले स्वीकृत गरेर बैंकको आगामी साधारणसभाले पारित गरेपछि शेयरधनीले पाउनेछन् ।
योसँगै गत आवको लागि लाभांश घोषणा गर्नेमा एभरेष्ट बैंक पहिलो बन्द पुगेको छ । अन्य बैंकहरुले हालसम्म लाभांश घोषणा गरेका छैनन् ।
