काठमाडौं । संघीय संसद, प्रतिनिधिसभा, अर्थ समितिको बैठक आइतबार बस्ने भएको छ ।
आइतबार सिंहदरबारस्थित अर्थ समितिको बैठक कक्षमा बस्ने सो बैठकमा बैंकिङ कसुर तथा सजाय (दोस्रो संशोधन) विधेयक, २०८० उपर दफावार छलफल हुने सङ्घीय संसद् सचिवालयले जनाएको छ ।
बैठक बिहान ११ बजे बस्न लागेको हो । बैंकिङ कसुर तथा सजाय (दोस्रो संशोधन) विधेयक, २०८० का साथै अन्य विविध विषयमा छलफल हुने समिति सचिवालयले जानकारी दिएको छ ।
यसअघि मंगलबार र बिहीबार सो विषयमा छलफलका लागि बैठक बसेको थियो ।
त्यसैगरी, प्रतिनिधिसभाको बैठक सोमबार दिउँसो १ बजे तथा राष्ट्रियसभाको बैठक मङ्गलबार बस्ने भएको छ ।
