काठमाडौं । सहकारी अपचलन सम्बन्धी संसदिय छानबिन समितिले संसद मार्फत सरकारलाई बुझाएको प्रतिवेदन आज बसेको मन्त्री परिषदको बैठकले पारित गरेको छ ।
मन्त्रीपरिषद्ले पारित गरेसँगै सहकारीसम्बन्धी संसदीय विशेष छानबिन समितिको प्रतिवेदन कार्यान्वयनका लागि सम्बन्धित मन्त्रालयहरूमा पठाएको छ ।
मन्त्रिपरिषद्को बुधबार बसेको बैठकमा प्रधानमन्त्री केपी शर्मा ओलीले संसदले पठाएको प्रतिवेदन अगाडि बढाउने बताएका हुन् ।
सहकारी छानबिन समितिले सोमबार संसदमा आफ्नो प्रतिवेदन पेस गरेको थियो, जसलाई सभामुखले आवश्यक कारबाहीका लागि सरकारसमक्ष पठाउन निर्देशन दिएका थिए ।
