काठमाडौं ।संसदीय छानबिन समितिले सहकारीको बचत अपचलनमा किटान गरेका रास्वपाका सभापति तथा पूर्व गृहमन्त्री रवि लामिछाने पनि पक्राउ पर्ने आशंकाबीच पार्टी कार्यालयमा कार्यकर्ता जम्मा गराएका छन् । जम्मा भएको कार्यकर्ताको भिडले मिडियाविरुद्ध नाराबाजी गरेको छ ।
पार्टी कार्यालयमा रास्वापाका कार्यकर्ताहरूको भिडले समाचार संकलनका लागि रास्वपा कार्यलयमा पुगेका सञ्चारहरूमाझ नाराबाजी गरेका हुन् ।
सभापति लामिछानेले गरेको बचत अपचलनको बारेमा नियमित रिपोर्टिङ गर्ने मिडियाहरूप्रति रास्वपाका नेता र कार्यकर्ताहरूहरूले विगतमा पनि विरोध गर्ने गरेका थिए ।
गोर्खा मिडिया नेटवर्कमा हुँदा लामिछानेका व्यावसायिक साझेदार रहेका पूर्व डीआईजी छविलाल जोशी पक्राउ परेपछि लामिछानेका कार्यकर्ताहरू पार्टी कार्यालयमा जम्मा हुन थालेका थिए । जोशीलाई पक्राउ गरी अहिले प्रहरीले पोखरा पुर्याइसकेको छ ।
