काठमाडौं । सुनको मूल्यले फेरि नयाँ रेकर्ड बनाएको छ । शुक्रबार छापावाल सुन हालसम्मको उच्च मूल्य १ लाख ६४ हजार ४०० रुपैयाँ प्रति तोला पुगेको छ ।
बिहीबार छापावाल सुन उच्च मूल्य १ लाख ६२ हजार ४०० रुपैयाँ प्रति तोलामा कारोबार भएको थियो । बिहीबारको तुलनामा शुक्रबार छापावाल सुन प्रति तोला २ हजार रुपैयाँले बढेको छ ।
सुनसँगै चाँदीको मूल्य पनि बढेको छ । चाँदी प्रति तोला एक हजार ९८० रुपैयाँमा कारोबार भइरहेको छ । बिहीबार चाँदी प्रति तोला एक हजार ९५० रुपैयाँमा कारोबार भएको थियो ।
