काठमाडौं । कमला ह्यारिसले न्यू ह्याम्पसायर राज्यमा जित हासिल गरेकी छन् यससँगै उनलाई ४ इलेक्टोरल भोट थपिएको छ ।
उनको जम्मा इलेक्टोरल भोट २१४ पुगेको छ । उनलाई जितका लागि अब थप ५६ भोट चाहिन्छ ।
डोनाल्ड ट्रम्पलाई भने जितका लागि मात्र २३ भोट चाहिएको छ । उनले २४७ इलेक्टोरल भोट जितिसकेका छन् ।
जर्जिया र नर्थ क्यारोलाइनाजस्ता ब्याटलग्राउन्ड स्टेटमा उनले जित हात पारिसकेका छन् ।
कमला ह्यारिसको जितको विकल्प खुम्चिँदै जाँदा अमेरिकी मतदाता दक्षिणपन्थतर्फ ढल्किएको देखिन्छ ।
