काठमाडौं । नेपाल आईसीसी यु–१९ महिला टि–२० विश्वकपका लागि नेपाल छनोट भएको छ ।
घरेलु टोली युनाइटेड अरब इमिरेट्स९युएई० लाई हराउदै पहिलो पटक महिला यु–१९ विश्व कपका लागि छनोट भएको छ ।
नेपालले युएई माथि ८ विकेटको जित हात पारेको हो ।
युएईले दिएको ८४ रनको लक्ष्य नेपालले १४।४ ओभरमा २ विकेट गुमाएर पूरा गर्यो।
नेपालको जितमा ओपनर साना प्रविनले ३५ तथा कप्तान पुजा महतोले १८ रन जोडिन् । ओपनर साबित्री धामीले १२ तथा सोनी पाख्रीनले अविजित १३ रन जोडिन् ।
त्यसअघि टस हारेर ब्याटिङको निम्तो पाएको युएईले निर्धारित २० ओभरमा ९ विकेट गुमाएर ८३ रनको योगफल तयार गरेको थियो । नेपालले विश्वकपमा छनोट हुन यो लक्ष्य १६।२ ओभरमा पूरा गरे पुग्ने समिकरण रहेको थियो ।
युएईका लागि कप्तान समाइरा धारनीधार्काले ३ , रिनिथा रञ्जिथाले २० तथा इन्दुजा नन्दकुमारी र लाभन्या केन्याले समान १० रन जोडिन् ।
नेपालका लागि कृष्मा गुरुङले ४, रिया शर्मा र सिमाना केसीले समान २ तथा रचना चौधरीले १ विकेट लिए ।
यु १९ टि ट्वान्टी विश्व कप आगामी वर्षको १८ जनवरी देखि २ फेब्रुवरी सम्म मलेसियामा आयोजना हुदैछ । नेपाल विश्व कपमा समूह डी मा अस्ट्रेलिया, बंगलादेश र स्कटल्याण्डसँगै रहेको छ । विश्व कपमा नेपालको पहिलो खेल १८ जनवरीमा बंगलादेशविरुद्ध रहेको छ ।
