काठमाडौं । पूर्वसभाामुख दमननाथ ढुंगानाको निधन भएको छ।
काठमाडौंको पुरानो बानेश्वरस्थित फ्रन्टलाइन अस्पतालमा उपचारका क्रममा आइतबार दिउँसो २ बजे ढुंगानाको निधन भएको अस्पतालका अधिकारीले जानकारी दिएका छन् । अस्पतालका सूचना अधिकारी कृष्ण नेपालीका अनुसार उनलाई घरबाट अस्पताल ल्याइपुर्याउँदा उनको निधन भएको थियो ।
ढुंगाना एक महिनादेखि बिरामी भएर उपचाररत थिए।
उनले २०४८ को आमनिर्वाचन काठमाडौं क्षेत्र नम्बर २ बाट जितेका थिए। त्यसपछि उनी सभामुख भएका थिए। ढुंगाना २०४८ असार ९ गते सभामुख बनेका थिए। ढुंगाना २०७४ को आमनिर्वाचनमा भक्तपुर क्षेत्र नम्बर २ बाट कांग्रेसको उम्मेदवार भई पराजित भएका थिए।
