काठमाडौं । नेपाल फ्रेट फरवार्ड एशोसिएसनको अध्यक्षमा राजेन्द्र संग्रौला निर्विरोध चयन भएका छन् । एशोसिएसनको शुक्रबार भएको २४ औं साधारणसभाले उनलाई अध्यक्ष चयन गरेको हो ।
वरिष्ठ उपाध्यक्षमा नरेशकुमार अग्रवाल र उपाध्यक्षमा अशोकमान कपाली निर्विरोध चयन भएका छन् । महासचिव, सचिव, कोषाध्यक्ष र सहकोषाध्यक्षमा क्रमश: हरिप्रसाद ढकाल, सुजनकुमार न्यौपाने, ईश्वरबहादुर गुरुङ र सञ्वीव अर्याल चयन भएका छन् ।
कार्यसमितिका सदस्यहरु सबै निर्विरोध चयन भएका छन् । नवनिर्वाचित अध्यक्ष संग्रौलाले आफ्नो नेतृत्वले व्यावसायिक हक र काममा सहजीकरण गराउन सक्दो पहल गर्ने बताए । उनले सरकारी संयन्त्र र व्यवसायीको संयुक्त प्रयासबाट पेसालाई विश्वासिलो र भरपर्दो बनाउने प्रतिबद्धता जनाए ।
