काठमाडौं । यूनिक हाईडेल कम्पनी लिमिटेडले माघ ९ गते नवौं वार्षिक साधारण सभा बोलाएको छ । कम्पनीले आईपीओ निष्कासन गर्ने प्रस्ताव सहित माघ ९ गते नवौं वार्षिक साधारण सभा बोलाएको हो ।
कम्पनीको रजिष्टर्ड कार्यालय, डिल्लीबजार, काठमाडौंमा विहान ११ बजे सभा गर्ने निर्णय कम्पनीले गरेको छ । आईपीओ निष्कासन गर्ने प्रस्ताव पारित गर्दै सभाले त्यसको सम्पूर्ण जिम्मेवारी सञ्चालक समितिलाई दिने निर्णय पनि सभाले गर्नेछ ।
साथै गत आर्थिक वर्ष २०८०/८१ को वार्षिक प्रतिवेदन सहितका वित्तीय विवरणहरु पारित गर्नुका साथै चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारणको विषय पनि टुङ्ग्याउनेछ ।
