काठमाडौं । बन्दीपुर केवलकार सेवा आज (सोमबार)देखि पुन: सञ्चालनमा आएको छ । बन्दीपुर केवलकार एण्ड टुरिजम लिमिटेडले पुस २२ गतेदेखि केवलकार सेवा पुन: सञ्चालनमा आएको जानकारी दिएको हो । नियमित जाँच र सर्भिसिङ पुरा गरी आजबाट केवलकार सेवा सञ्चालनमा आएको कम्पनीले सूचना जारी गर्दै जानकारी दिएको छ ।
यसअघि, नियमित मर्मत सम्भार तथा विद्युतीय सामग्रीको स्तरोन्नतिको लागि शनिबार र आइतबार दुई दिन केवलकार सेवा अस्थायी रुपमा रोकिएको थियो । यात्रुहरुको सुरक्षालाई प्राथमिकतामा राख्दै आवश्यक मर्मत कार्य सम्पन्न गरेपछि पुन: केवलकार सञ्चालन गरिएको कम्पनीले जनाएको छ ।
‘हामीले केवलकार सञ्चालनमा क्रममा अन्तर्राष्ट्रिय मापदण्डको पालना गरिरहेको स्पष्ट पार्न चाहान्छौं र यात्रुहरुको सेवा निरन्तर सुरक्षित र विश्वसनीय बनाउन प्रतिबद्धता छौं,’ कम्पनीको सूचनामा भनिएको छ ।
