काठमाडौं । बाक्लो हुस्सुका कारण पूर्वी तराईका विभिन्न विमानस्थलमा उडान तथा अवतरण प्रभावित भएका छन् ।
पर्याप्त भिजिबिलिटी नभएपछि झापाको भद्रपुर, धनुषाको जनकपुर र बाराको सिमरामा रहेका विमानस्थलमा उडान प्रभावित भएको हो ।
त्रिभुवन अन्तर्राष्ट्रिय विमानस्थल कार्यालयका अनुसार बिहानैदेखि यी विमानस्थलमा हवाई उडान तथा अवतरण ठप्प छ ।
बाक्लो हुस्सुले पर्याप्त भिजिबिलिटी नभएपछि विमान उडान र अवतरणका लागि असहज हुदाँ अनुमति नदिएको टीआईएले जनाएको छ । मौसममा सुधार भए सँगै उडान सुचारु गरिने बताइएको छ ।
