काठमाडौं । एशियन लाईफ इन्स्योरेन्सको नाफामा ५७ प्रतिशतले वृद्धिदर देखिएको छ । इन्स्योरेन्सले चालु आर्थिक वर्षको दोस्रो त्रैमासको अपरिष्कृत वित्तीय विवरण सार्वजनिक गर्दै उक्त कुरा बताएको हो ।
इन्स्यारेन्सले चालु आवको दोस्रो त्रैमास अवधिमा २५ करोड ३ लाख नाफा कमाएको छ । जुन गत आर्थिक वर्षको सोहि अवधिको तुलनामा ५६.६३ प्रतिशत अर्थात् ९ करोड ५ लाखले बढी हो । गत आवको दोस्रो त्रैमासमा इन्स्योरेन्सले १५ अर्ब ९८ करोड नाफा कमाएको थियो ।
समीक्षा अवधिमा कुल आम्दानी र खुद बीमा शुल्कमा वृद्धि भएको छ । गत आवको दोस्रो त्रैमासमा ५ अर्ब ५९ करोड कुल आम्दानी रहेकोमा चालु आवको सोहि अवधिमा ६ अर्ब ९ करोड रहेको छ । गत आवको दोस्रो त्रैमासमा खुद बीमा शुल्क आर्जन ३ अर्ब ५७ करोड रहेकोमा चालु आवको सोहि अवधिमा ४ अर्ब १७ करोड रहेको छ ।
चालु आवको दोस्रो त्रैमासमा चुक्ता पुँजी ३ अर्ब ३९ करोड रहेको इन्स्यारेन्सको रिटन अर्निङ ५६ करोड ३७ लाख र महाविपत्ती कोषमा २५ करोड २२ लाख भन्दा बढी सञ्चिती रहेको छ ।
इन्स्यारेन्सको गत आवको दोस्रो त्रैमासमा ३९ अर्ब ३८ करोडबाट वृद्धि भई जीवन बीमा कोष रकम चालु आवको दोस्रो त्रैमासमा ४४ अर्ब ६८ करोड पुगेको छ ।
नाफामा वृद्धि भए सँगै इन्स्यारेन्सको प्रति शेयर आम्दानी पनि बढेको छ । गत आवमा ९ रुपैयाँ ४१ पैसा रहेका प्रति शेयर आम्दानी वृद्धि भई १४ रुपैयाँ ७२ पैसा पुगेको छ । भने प्रतिशेयर नेटवर्थ १२६ रुपैयाँ २३ पैसा र मुल्य आम्दानी अनुपात ४८.०५ रहेको छ ।
