काठमाडौं । हिमालयन डिष्टिलरीले नाफा १४७ प्रतिशतले बढेको छ । कम्पनीले चालु आर्थिक वर्षको दोस्रो त्रैमाससम्म ४० करोड ४९ लाख नाफा कमाएको छ । गत वर्षको सोहि अवधिमा कम्पनीले १६ करोड ३६ लाख नाफा कमाएको थियो ।
समीक्षा अवधिमा कम्पनीको बिक्री आम्दानी ५९.६९ प्रतिशत बढेर ३ अर्ब ३ करोड २२ लाख पुगेको छ। त्यस्तै, कम्पनीको कुल नाफा समीक्षा अवधिमा ६४.६८ प्रतिशत बढेको छ भने सञ्चालन मुनाफा १३१.९७ प्रतिशत बढेको छ। कम्पनीको वित्तीय खर्च भने समीक्षा अवधिमा ७.३६ प्रतिशत घटेको छ।
३ अर्ब ७ करोड ३४ लाख रुपैयाँ चुक्ता पुँजी रहेको यस कम्पनीको जगेडा कोषमा ५५ करोड ३३ लाख जम्मा छ । प्रतिसेयर आम्दानी २६.३५ रुपैयाँ छ भने प्रतिशेयर नेटवर्थ ११८ रुपैयाँ र तरलता अनुपात ५.०३ रहेको छ ।
