काठमाडौं । सर्वोत्तम सिमेन्टको नाफा करिब ८ गुणले बढेको छ । कम्पनीले चालु आर्थिक वर्षको दोस्रो त्रैमासमा २४ करोड १४ लाख नाफा कमाएको छ । जुन अघिल्लो आवाको सोहि अवधिको तुलनामा २१ करोड ९ लाखले बढी हो । गत आवको सोहि अवधिमा कम्पनीले ३ करोड ५ लाख नाफा कमाएको थियो ।
कम्पनीले सिमेन्ट विक्रीबाट चालु आवको दोस्रो त्रैमासमा ३ अर्ब ३२ करोड आम्दानी गरेको छ जुन गत आवको सोहि अवधिमा २ अर्ब ४८ करोड रहेको थियो । कम्पनीको सञ्चालन आम्दानी चालु आवको दोस्रो त्रैमासमा ३ अर्ब ९८ करोड हुदाँ गत आवको सोहि अवधिमा २ अर्ब ९२ करोड रहेको थियो ।
चुक्ता पुँजी ४ अर्ब ९७ करोड रहेको कम्पनीको जगेडा कोषमा ३ अर्ब ९७ करोड रहेको छ ।
कम्पनीको प्रति शेयर आम्दानी ९ रुपैयाँ ७० पैसा, प्रतिशेयर नेटवर्थ १८६ रुपैयाँ ६६ पैसा, प्रतिशेयर कुल सम्पत्तिको मूल्य २९५ रुपैयाँ २० पैसा र तरलता अनुपात १.०२ रहेको छ ।
