काठमाडौं । काठमाडौंको बबरमहल क्षेत्रमा नेपाल विद्युत प्राधिकरणले भूमिगत विद्युतीकरणको काम गर्ने क्रममा मेलम्ची खानेपानी आयोजनाको मुख्य पाइप फुटेपछि मर्मत कार्य सकिएको छ ।
खानेपानी मन्त्री प्रदीप यादवले काठमाडौंको बबरमहलमा मेलम्ची खानेपानी आयोजनाको पाइप मर्मत सकाएर पानी परीक्षण पनि भइसकेको जानकारी दिएका छन् ।
केहीबेरमा प्रभावित क्षेत्रका घर घरमा पानी पुग्ने मन्त्री यादवको भनाइ छ ।
विद्युत प्राधिकरणले भूमिगत विद्युतीकरण परियोजनाअन्तर्गत केबल बिछ्याउने कार्य गरिरहेको बेला बुधबार बिहान उक्त पाइप क्षतिग्रस्त भएको थियो। मेलम्ची खानेपानी आयोजनाका अनुसार पाइप फुट्दा सो क्षेत्रमा पानी आपूर्ति प्रभावित भएको छ।
