काठमाडौं । स्वतन्त्र विद्यार्थी युनियनको निर्वाचनमा उमेर हद लागू हुने भएको छ। त्रिभुवन विश्वविद्यालय कार्यकारी परिषद्ले चैत ५ गते हुने विद्यार्थीको निर्वाचनमा उमेर हद लगाएको हो।
त्रिवि कार्यकारी परिषद्ले जारी गरेको स्वतन्त्र विद्यार्थी युनियन निर्वाचनसम्बन्धी निर्देशिका-२०८१ अनुसार मनोनयन दिनेदिनसम्म २८ वर्ष नपुगेको र मतदाता नामावलीमा नाम भएको व्यक्तिले समितिको कुनै एक पदमा मात्रै उम्मेदवारी दिन सक्नेछन्।
स्नातकोत्तर तह प्रथम सेमेष्टर, स्नातक तह प्रथम सेमेष्टर र स्नातक तह प्रथम वर्षमा विद्यार्थी भर्ना सम्बन्धी शिक्षाध्यक्ष तथा डीन कायर्यालयबाट सूचना जारी गरी तोकिएको मितिसम्म भर्ना भएका विद्यार्थीहरू मात्र मतदाता बन्न पाउनेछन्। त्यस्तै अन्य सेमेष्टर तथा वर्षमा अध्ययन गर्ने विद्यार्थीको हकमा मतदाता नामावली प्रकाशित हुने मिति भन्दा पाँचदिन अघिसम्म नियमानुसार भर्ना भएका विद्यार्थीहरूलाई मतदाता नामावलीमा समावेश गरिने निर्देशिकामा उल्लेख छ।
शिक्षाध्यक्षको संयोजकत्वमा सहसंयोजकमा सहरजिष्टार रहने गरी सदस्यमा बिध्यार्थी कल्याण परिषद्मा रहेका डीनहरुबाट तीन जना कार्यकारी निर्देशकबाट २ जना बिश्वबिध्यालयका शिक्षकबाट ४ जना त्रि बि सभा तथा कार्यकारी परिषदबाट सचिवालय, अर्थिक प्रशासन महाशाखा, सामान्य प्रशासन महाशाखाका प्रमुख सुचना तथा जनसम्पर्क महाशाखा, कानूनी सल्लाहकारको कार्यालय निर्देशक विध्यार्थी कल्याण तथा खेलकुद निर्देशनालय सदस्य सचिव रहेको अनुगमन समिति गठन गरिएको निर्देशिकामा उल्लेख गरिएको छ ।
नेपाल बार एसोशियसनको प्रतिनिधि, नेपाल पत्रकार महासंघ र मानव अधिकार आयोगको प्रतिनिधि रहने गरी पर्यबेक्षण समिति गठन गर्ने छ ।
निर्बाचनमा प्रत्यक्ष र समानुपातिक तर्फको लागि छुट्टा छुट्टै मतपत्र हुने ब्यवस्था गरेको छ । समानुपातिक तर्फको मतपत्रमा सङ्घ,सङ्गठनवा समुहको नाम हुनेछ भने प्रत्यक्ष्य तर्फको मतपत्रमा सङ्घ,सङ्गठन वा समुह र उमेद्वारको नाम रहने व्यवस्था गरिएको छ ।
प्रत्यक्ष तर्फको मतगणनामा उमेद्वरले बाराबर मत प्राप्त गरेमा गोला प्रथाबाट नतिजा सार्वजनिक हुने ब्याब्था गरेको छ । हाल कायम भएको ७९ सालमा निर्बाचित स्वतन्त्र बिध्यार्थी युनियनको कार्यकाल २०८१ चैत १४ बाट समाप्त हुनेछ ।
सरकारी निकाय तथा संस्थानमा स्थायी वा करारमा कार्यरत बिध्यार्थी स्वबियु चुनाबमा उमेद्वार हुन पाउने छैनन् ।
