काठमाडौं । अमेरिकी सहायता संस्था मिलेनियम च्यालेन्ज कर्पोरेशन(MCC) अन्तर्गत सञ्चालित परियोजनको भबिश्य अन्योलमा परेको छ । २०८१ फागुन २ मा सहायता संस्था मिलेनियम च्यालेन्ज कर्पोरेशन(MCC) ले इ-मेल पत्रमार्फत् नेपाल सरकारलाई अमेरिकी राष्ट्रपतिको जनवरी २०, २०२५ मा जारी ९० दिनको स्थगनसम्बन्धी कार्यकारी आदेशानुसार बजेट रोकिएको जानकारी दिए सँगै यी परियोजना संकटमा परेका हुन् ।
उक्त परियोजना सम्बन्धित कार्यक्रम र उक्त निकायबीच२०७४ भदौ २९ मा सम्पन्न कम्प्याक्ट अन्तर्गत कार्यन्वयन भइरहेका आयोजनाको सम्बन्धित MCC Fund बाट भुक्तानी हुने कार्यक्रमहरु सबै स्थकित भएको नेपाल सरकार अर्थमन्त्रालयले जनाएको छ ।
नेपालमा निक्कै ठुलो बिबाद र रस्साकस्सी पश्चात अमेरिकी सहायता संस्था मिलेनियम च्यालेन्ज कर्पोरेशन(MCC) लाइ स्वीकार गर्ने प्रस्ताव संसदबाट पारित भएको छ । यो सँगै नेपालको बिधुत निर्यातको लागि ट्रान्समिसन लाईन निर्माण प्रक्रिया अबरुद्द हुनेछ ।
