काठमाडाैँ । नेष्डो समृद्ध लघुवित्तवित्तीय संस्थाले आगामी चैत १० गते वार्षिक साधारण सभा बाेलाएकाे छ । मंगलबार बसेकाे साधारण सभा १०२औं बैठकले संस्थाको छैटौँ वार्षिक साधारण सभाकाे मिति, स्थान र समय तय गरेकाे हाे । साधारण सभा राेयल कुश्मा रिसाेर्ट पर्वतमा हुनेछ ।
बैठकमा सञ्चालक समितिको तर्फबाट अध्यक्षबाट आर्थिक वर्ष २०८० / ०८१ को वार्षिक प्रतिवेदन प्रस्तुत गरी उक्त प्रतिवेदनमाथि छलफल गरिनेछ । लेखापरिक्षकको प्रतिवेदन सहितको २०८१ असार मसान्तको वासलात, नाफा नोक्सान हिसाव र सोही अवधीको नगद प्रवाह विवरण तथा सो संग सम्वन्धित अनुसुचीहरु उपर छलफल गरी पारित गरिनेछ ।
सञ्चालक समितिले प्रस्ताव गरे बमोजिम यस वित्तीय संस्थाको आ.व. २०८०/०८१ सम्मको संचित मुनाफा रकम मध्येवाट २०८१ आषाढ मसान्तमा कायम रहेको चुक्ता पुँजी रु.२५ करोड ५० लाखको ०.७५ प्रतिशतले हुने रकम उन्नाइस लाख बाह्र हजार पाँच सय रुपैयाँ नगद लाभांस (बाेनस शेयरमा लाग्ने कर प्रयोजनमा लागि मात्र) वितरण गर्ने, कायम चुक्ता पुँजी रु. २५ करोड ५० लाखको १४.२५ प्रतिशतले हुने रकम तीन करोड त्रिसठ्ठी लाख सैतिस हजार पाँच सय रुपैयाँ बराबरको बाेनस शेयर वितरण गर्ने प्रस्ताव स्वीकृत गर्नेछ ।
