काठमाडौं । समाज लघुवित्त वित्तीय संस्था लिमिटेड र ग्रामीण विकास लघुवित्त वित्तीय संस्था लिमिटेड आपसमा मर्ज हुने भएको छ ।
सर्लाहीको मलंगवामा रहेको समाज लघुवित्त र रुपन्देहीको बुटवलमा रहेको ग्रामीण विकास लघुवित्त मर्ज गर्न फागुन १७ गते हस्ताक्षर भइसकेको छ ।
हस्ताक्षर र सम्झौता भएसँगै अब दुवै कम्पनीहरूले मर्जरमा जानका लागि बाँकी आवश्यक कार्य थाल्ने छ ।
मर्जरमा जान लागे पनि शेयर हिस्सा भने सार्वजनिक गरेका छैनन् । दुबै कम्पनी धितोपत्र दोस्रो बजारमा सूचीकृत कम्पनी हुुन् । पछिल्लो व्यवस्था अनुसार एकिकृत कारोबार भए पछिको बढीमा १५ दिनमात्र शेयर कारोबार रोक्का हुने हुदाँ तत्काल भने दुबै कम्पनीको शेयर कारोबार खुुला हुनेछ ।
समाजको चुँक्तापुँजी २ करोड २८ लाख ५० हजार र ग्रामिणको चुुक्तापुँजी ९८ करोड २५ लाख रहेको छ ।
