काठमाडौं ।राधी विद्युत कम्पनीले विशेष साधारण सभा बोलाएको छ । कम्पनीको शुक्रबार बसेको सञ्चालक समितिको बैठकको निर्णय अनुरुप आगामी चैत ३ आइतबार बिहान ८ बजेको लागि विशेष साधारण सभा बोलाएको हो ।
सभामा कम्पनीले हकप्रद शेयर निष्कासन सहितको विशेष र साधारण प्रस्तावहरु पेश गर्ने जनाएको छ ।
विशेष प्रस्तावहरुमा हकप्रद शेयर निष्कासन पश्चात कायम हुने चुक्ता पुँजी बराबर हुने गरी जारी पुँजी संशोधन सहित कम्पनीको प्रबन्धपत्र तथा नियमावली संशोधन गर्ने र नियमक निकायहरुको निर्देशन अनुसार कम्पनीको प्रबन्धपत्र तथा नियमावलीको प्रस्तावित संशोधनहरुमा परिमार्जन तथा थपघट गर्न आवश्यक भएमा सो गर्न सञ्चालक समितिलाई अख्तियारी प्रदान गर्ने रहेको छ ।
साथै साधारण प्रस्तावहरुमा कम्पनीको नियमावली बमोजिम दुई जना सञ्चालकहरुको नियुक्ति गर्ने र स्वतन्त्र सञ्चालको नियुक्ति अनुमोदन गर्ने रहेको छ ।
सभा प्रयोजनको लागि कम्पनीको शेयरधनी दर्ता पुस्तिका तथा शेयर दाखिला खारेजी बन्द (बुकक्लोज) फगाुन २५ गते एक दिन गरिने भएको छ । बुकक्लोज मिति तयसँगै फागुन २४ गते नेपाल स्टक एक्सचेञ्ज लिमिटेडमा कारोबार भई सात कार्य दिन भित्र दाखिल खारेजको लागि प्राप्त शेयरहरुबाट कायम रहेका शेयरधनीहरु मात्र सभामा भाग लिन पाउने छन् ।
