काठमाडौं । साताको पहिलो दिन शेयर बजारका अधिकांश सूचक सकारात्मक रहेको छ ।
आइतबार नेपाल स्टक एक्सचेन्ज, नेप्से परिसूचक ७५.२४ अंकले बढेर २८९०.२८ विन्दुमा पुगेर बन्द भएको छ । क वर्गको मापन गर्ने सेन्सेटिभ इन्डेक्स भने १४.४७ अंकले बढेर ४८४.३० विन्दुमा पुगेर बन्द भएको छ । साथै फोल्ट इन्डेक्स ५.४७ अंकले र सेन्सेटिभ फोल्ट इन्डेक्स ४.८० अंकले बढेको हो । यो सँगै नेप्से निरन्तर नौ दिन बढेको छ ।
आइतबार ३०२ वटा कम्पनीका २ करोड ९१ लाख ६६ हजार कित्ता शेयर कारोबार हुँदा कारोबार रकम १४ अर्ब २५ करोड ४ लाख ७५ हजार पुगेको छ ।जुन बिहीबारको तुलनामा २ अर्ब ८५ करोड ८० लाख ७४ हजारले बढी हो ।
बिहीबार ३०० वटा कम्पनीको २ करोड ६१ लाख ९९ हजार कित्ता शेयर कारोबार हुदाँ कारोबार रकम ११ अर्ब ३९ करोड २४ लाख १ हजार पुगेको थियो ।
आइतबार १९६ वटा कम्पनीकोे शेयर मूल्य बढ्दा ४४ वटा कम्पनीको शेयर मूल्य घटेको छ भने ४ वटा कम्पनीको शेयर मूल्य स्थिर रहेको छ ।
यस दिन १२ वटा उप समूह बढ्दा १ वटा उप समूह घटेको छ । बैंकिङ ३६, विकास बैंक २२३, वित्त १२०, होटल र पर्यटन २८२, जलविद्युत ७६, लगानी ३, जीवन बीमा ६०२, उत्पादन र प्रशोधन ३५८, लघुवित्त ७२, निर्जीवन बीमा ४४३, व्यापार ४६ र अन्य समूह ३७ अंकले बढ्दा म्युअुचल फण्ड भने ०.२५ अंकले घटेको हो ।
यस दिन सर्वाधिक कारोबार हुने कम्पनीहरुमा नेपाल रिइन्स्यारेन्स कम्पनी, हिमालयन रिइन्स्योरेन्स, सिन्धु विकास बैंक, एनआरएन इन्फ्रास्ट्रक्चर एण्ड डेभलपमेन्ट र साहस उर्जा रह्यो । नेपाल रिइन्स्यारेन्स कम्पनीको ९७ करोड ५३ लाख, हिमालयन रिइन्स्योरेन्सको ८५ करोड ९३ लाख, सिन्धु विकास बैंकको ४० करोड ४ लाख, एनआरएन इन्फ्रास्ट्रक्चर एण्ड डेभलपमेन्टको ३३ करोड ३५ लाख र साहस उर्जाको २६ करोड ८५ लाख बराबर करोबार भयो ।
