काठमाडौं । एक्सेल डेभलपमेन्ट बैंकले उन्नाईसौं वार्षिक साधारण सभा बोलाएको छ । बैंकको शनिबार बसेको सञ्चालक समितिको बैठकले आगामी चैत ११ गते वार्षिक साधारण सभा गर्ने निर्णय गरेको हो । सभा विर्तामोड, झापास्थित सिद्धार्थ होटलमा बिहान ११ बजे गर्ने भएको हो ।
बैंकले सभामा सामान्य र विशेष प्रस्तावहरु पेश गर्ने भएको छ । सामान्य प्रस्तावमा गत आर्थिक वर्षको वार्षिक प्रतिवेदन , लेखापरिक्षक नियुक्त गर्ने र संस्थापक शेयरधनीतर्फको रिक्त सञ्चालक पदमा गरेको नियुक्ति अनुमोदन गर्ने रहेको छ भने विशेष प्रसतावमा मर्जरमा जाने रहेको छ । यस बैंक र अन्य उपयुक्त बैंक तथा वित्तीय संस्थाहरु एक आपसमा गाभिने कामलाई अघि ढाइने रहेको छ ।
सभा प्रयोजनका लागि फागुन २९ गते शेयर दाखिला खारेज बन्द (बुकक्लोज) गरिने भएको छ । बुकक्लोज सँगै फागुन २८ गते सम्म करोबार भई नियमानुसार शेयर नामसारी भई आएका शेयरधनीहरु मात्र सभामा भाग लिन पाउने छन् ।
