काठमाडौं ।ग्रीन भेन्चर्स लिमिटेडको विभिन्न अधिकारीहरुलाई प्रदान गरिएको करिब ३ करोड कित्ता शेयरको लकइन अवधि समाप्त हुने लागेको छ । कम्पनीका अनुसार कर्मचारी, संस्थापक र प्रभावित बासिन्दालाई बाँडफाँट गरिएको २ करोड ८२ लाख १६ हजार ९५० कित्ता शेयरको लकइन अवधि समाप्त हुन लागेको हो ।
कम्पनीका अनुसार कर्मचारी, संस्थापक र प्रभावित बासिन्दालाई बाँडफाँट गरिएको उक्त परिमाणको शेयरको लकइन अवधिमा आगामी चैत २० गते समाप्त हुनेछ । संस्थापक शेयर २ करोड ५० लाख, आयोजना प्रभावित क्षेत्रका बासिन्दाको ३१ लाख २३ हजार २०० र कर्मचारीको ९३ हजार ७५० कित्ता शेयरको लकइन अवधिमा आगमी चैत २० गते समाप्त हुन लागेको हो । यो सँगै उक्त शेयरहरु कारोबारको लागि योग्य हुनेछन् ।
उक्त शेयरहरुको तीन वर्षको लकइन अवधि समाप्त हुने लागेको भन्दै लकइन अवधि समाप्त हुनभन्दा कम्तीमा ३० दिन अगावै सो सम्वन्धी जानकारी गराउनु पर्ने नियम अनुरुप कम्पनीले सार्वजनिक सूचनामार्फत् जानकारी गराएको जनाएको छ । यस संगठित सञ्चालक, कार्यकारी प्रमुख, लेखापरिक्षक, कम्पनी सचिव वा संगठित संस्थाको व्यवस्थापन वा लेखा सम्बन्धि कार्यमा प्रत्यक्षरुले संलग्न व्यक्तिले त्यस्तो पदमा बहाल रहँदाका बखत वा त्यस्तो पदबाट अवकाश प्राप्त गरेको मितिले एक वर्षसम्म यस संगठित संस्था वा यसको सहायक कम्पनीको धितोपत्र आफनो वा आफनो परिवारको सदस्य वा अन्य कुनै व्यक्तिको नियन्त्रणमा रहेको फर्म, कम्पनी वा संस्थाको नाममा वा अन्य व्यक्तिलाई खरिद बिक्री गर्न गराउन वा हस्तान्तरण गर्न वा लेनेद गर्न भने सक्ने छैन ।
