काठमाडौं । मंगलबारदेखि निरन्तर घटिरहेको अमेरिकी डलरको मूल्य आज पनि घटेको छ ।
नेपाल राष्ट्र बैंकले बिहीबारका लागि सार्वजनिक गरेको विदेशी मुद्राहरुको विनिमयदर अनुसार यसदिन अमेरिकी डलर एकको खरिददर १३८ रुपैयाँ ८४ पैसा र बिक्रीदर १३९ रुपैयाँ ४४ पैसा कायम भएको छ । बुधबार अमेरिकी डलर एकको खरिददर १३९ रुपैयाँ ३३ पैसा र बिक्रीदर १३९ रुपैयाँ ९३ पैसा रहेको थियो ।
आज युरोपियन युरो र बेलायती पाउन्ड स्टर्लिङको मूल्य भने बढेको छ । यसदिन युरो एकको खरिददर १४८ रुपैयाँ २९ पैसा र बिक्रीदर १४८ रुपैयाँ ९३ पैसा रहेको छ । बुधबार युरो एकको खरिददर १४६ रुपैयाँ ५५ पैसा र बिक्रीदर १ ४७ रुपैयाँ १८ पैसा रहेको थियो ।
यसैगरी बुधबार पाउन्ड एकको खरिददर १७७ रुपैयाँ १९ पैसा र क्रीदर १७७ रुपैयाँ ९५ पैसा रहेकोमा आज पाउन्ड एकको खरिददर १७८ रुपैयाँ ११ पैसा र बिक्रीदर १७८ रुपैयाँ ८८ पैसा कायम भएको छ ।
