काठमाडौं । एमजी एस५ ईभी नेपालमा सार्वजनिक भएको छ । नेपालका लागि एमजीको आधिकारिक बिक्रेता पारामाउन्ट मोटर्सले बिहीबार काठमाडौंमा एमजी एस५ ईभी लन्च गरेको हो । यो एमजी एस५ क्रसओभरको विद्युतीय भर्सन हो ।
नेपाली बजारमा एमजी एस५ ईभी ती भेरियन्टमा उपलब्ध छ । जसको मूल्य ४३ लाख ९९ हजार रुपैयाँ, ४९ लाख ९९ हजार रुपैयाँ र ५४ लाख ९९ हजार रुपैयाँ तोकिएको छ ।
एमजी एस५ ईभी स्केलेबल मोडुलर प्लेटफर्ममा तयार गरिएको हो । यस ईभीमा रियर ह्विल ड्राइभ र इन्डिपेन्डेन्ट सस्पेन्सन लगायत फिचर छन् । यी सबैका कारण ह्यान्डलिङ, स्टेबिलिटी र कम्फर्टमा सहजता थपिएको कम्पनीको दाबी । स्मुथ र डाइनामिक राइडका लागि यो सेगमेन्टमै पहिलो पटक सस्पेन्सन सेटअप विकास गरिएको छ ।
ब्याट्री र रेञ्ज
एमजी एस५ ईभीमा विश्वकै सबैभन्दा पातलो दाबी गरिएको अल्ट्रा थिन ब्याट्री प्रयोग गरिएको छ ।
एमजी एस५ ईभी दुई ब्याट्री विकल्पमा उपलब्ध छ । एस५ ईभी ४९.१ किलोवाट आवर र ६२.२ किलोवाट आवर ब्याट्री विकल्पमा उपलब्ध छ । एमजी ईभीमा लिथियम आइरन फस्फेट (एलएफपी) ब्याट्री प्रयोग गरिएको छ ।
इन्ट्री लेभल मोडलमा ४९.१ किलोवाट आवरले सिंगल चार्जमा ३४० किलोमिटर डब्लुएलटीपी रेन्ज प्रदान गर्छ । त्यसैगरी मिड रेञ्ज भेरियन्ट ६२.२ किलोवाट आवरले सिंगल चार्जमा ४३० किलोमिटरको रेन्ज प्रदान गर्छ ।
एमजी एस५ ईभीले ७.१ सेकेन्डमा १०० किलोमिटर प्रतिघण्टाको गति लिन सक्छ भने यसको टप स्पिड १७५ किलोमिटर प्रतिघण्टा छ ।
फिचर
एमजी एस५ मा इनबिल्ट आईस्मार्ट सिस्टम छ, जसले टिकटक, च्याटजीपीटी, स्पोटीफाई र युट्युब लगायतका प्रसिद्ध एपलाई एकीकृत गरी ड्राइभिङ अनुभवलाई राम्रो बनाउछ ।
एस५ मा १२.८ इन्चको इन्फोटेनमेन्ट टचस्क्रिन, १०.२५ इन्चको डिजिटल इन्स्ट्रयुमेन्ट क्लस्टर र माथिल्लो भेरियन्टमा प्यानोरामिक सनरुफ लगायतका विशेषता छन् । यसमा ९९ किलोवाटको मोटर छ ।
