काठमाडौं । गत फागुन २७ देखि सर्वसाधारणमा बिक्री तथा निष्काशन शुरु भएको ओम मेगाश्री फर्मास्युटिकल्स लिमिटेडको आईपीओमा आवेदन दिने आज अन्तिम दिन रहेको छ ।
कम्पनीले जारी पूँजी साठ्ठी करोड रुपैयाँको ३०% अर्थात अठार करोड रुपैयाँ रकम बराबरको प्रतिशेयर १०० का दरले १८ लाख कित्ता साधारण शेयरको लागि आबेदन खुलाएको छ । यसअघि कम्पनीले श्रम स्वीकृत लिई वैदेशिक रोजगारमा रहेका नागरिकको लागि १०% अर्थात १,८०,००० कित्ता साधारण शेयर बिक्रि गरेको थियो ।
कम्पनीको शेयर खरिदको लागि न्यूनतम १० कित्ता र अधिकतम् १०,००० कित्ता शेयरको लागि आबेदन दिन सकिन्छ । प्राथमिक शेयरको लागि नेपाल धितोपत्र बोर्डबाट स्वीकृती प्राप्त गरेका सम्पूर्ण सी-आस्बा (C-ASBA) सदस्य बैंक तथा वित्तिय संस्थाहरु तथा सिडिएस एण्ड क्लियरिङ्ग लिमिटेडबाट निर्माण गरिएको सफ्टवेयर “मेरो सेयर” अनलाइन प्रयोग गरि सिआश्वा प्रणाली मार्फत आवेदन दिन सकिनेछ ।
डबल बि रेटिङ प्राप्त गरेको यस कम्पनीको आईपीओ निष्काशक तथा बिक्री प्रबन्धक प्रभु क्यापिटल लिमिटेड रहेको छ ।
