काठमाडौं । नेपाल बैँकको वार्षिक साधारण सभा बैठक आज बस्दैछ । बैंक सञ्चालक समितिको बैठकले चैत ६ गते बुधवार बस्नेगरी बैँकले ६५ औँ वार्षिक साधारण सभा बोलाएको हो । उक्त दिन काठमाडौँको हल्चोकस्थित सशस्त्र प्रहरी बलको कार्यालयमा उक्त साधारण सभा बस्नेछ ।
यससँगै यो वर्ष वाणिज्य बैंकहरुमा सबैभन्दा पछाडि साधारण सभा गर्ने बैंक नेपाल बैंक बनेको छ । २० वाणिज्य बैंकमध्ये अरू सबै बैंकले चालु आर्थिक वर्षमा साधारण सभा गरिसकेका छन् ।
बैंकले साधारणसभामा सर्वसाधारण शेयरधनीका तर्फबाट तीन जना सञ्चालकको निर्वाचन गर्ने कार्यतालिका राखेको छ ।
साधारण सभा प्रयोजनको लागि फागुन २२ गतेका लागि बुक क्लोजको मिति तोकिएको थियो । यस बैंकले चालु आर्थिक वर्षमा कुनै पनि लाभांश वितरण नगर्ने गरी निर्णय यसअघि नै गरिसकेको छ ।
