एसईई परिक्षा आजबाट सुरु

काठमाडौं । शैक्षिक सत्र २०८१ को एसईई परिक्षा आज बिहान ८ बजेबाट  सुरु भएको छ । यो बर्षको एसईई परिक्षामा नियमित तर्फ नियमित तर्फ चार लाख १८ हजार तीन सय ५५ विद्यार्थी परिक्षामा सामेल हुँदैछन् ।

परिक्षा नियन्त्रण कार्यलयका अनुसार यो बर्षको परिक्षालाई व्यवस्थित बनाउन देशभर ७७ हजार आठ सय १७ जना जनशक्ति परिचालन गरिएको छ  । एउटा परीक्षा केन्द्रमा १५ जना सुरक्षाकर्मी व्यवस्था गर्दा ३१ हजार एक सय ८५ प्रहरी परिचालन गरिएको छ । त्यस्तै २ हजार ७९ केन्द्राध्यक्ष, तीन हजार चार सय २७ सहायक केन्द्राध्यक्ष, पाँच हजार एक सय ४१ परीक्षा सहयोगी परिचालन गरिएको छ । २० जना बराबर एक जना निरिक्षकको व्यवस्था गर्दा देशभर २५ हजार सात सय चार जना निरिक्षक परीक्षा सञ्चालन गर्न परिचालन भएका छन् ।

यो बर्षको एसईई परिक्षाको नतिजा २०८१ असार ७ गते प्रकाशित गर्ने गरी तयारी गरेर बोर्डले पहिलो पटक नतिजा सार्वजनिक हुने मिति तय गरेको थियो । यो परिक्षा सुरू भएको ९० दिन हो । बिगतमा परिक्षा सञ्चालन भएको ९० दिन पछि नतिजा सार्वजनिक गर्ने गरे पनि परिक्षा सुरु हुने बेलामा नै नतिजाको मिति तोकिएको पहिलो पटक हो ।

 

Garima

प्रतिक्रिया दिनुहोस्

सम्बन्धित समाचार