काठमाडौं । नेपाल आयल निगमले आगामी चैत २९ गते ४३औँ वार्षिक साधारण सभा बोलाएको छ ।
चैत ४ गते बसेको निगमको सञ्चालक समितिको बैठकको निर्णयानुसार निगमको आर्थिक वर्ष २०८०/८१ को ४३ औँ वार्षिक साधारण सभाको मितिसहित १० प्रतिशत लाभांश वितरण गर्ने घोषणा गरेको हो ।
साधारणसभाले ४३औं वार्षिक साधारण सभाका लागि सञ्चालक समितिको प्रतिवेदन पारित गर्ने, लेखा परीक्षकको प्रतिवेदन सहितको आर्थिक वर्ष २०८० / ८१ को वासलात, नाफा / नोक्सान हिसाब तथा सोही अवधिको नगद प्रवाह विवरण माथि छलफल र पारित गर्नेछ ।
आर्थिक वर्ष २०८०/८१ को लेखा परीक्षकको नियुक्ति, पारिश्रमिक एवं खर्च अनुमोदन गर्ने प्रस्ताव पनि गरिएको छ । यस्तै सञ्चालकहरूको तर्फबाट एक-एक जना प्रतिनिधि तोक्ने निर्णय पनि साधारणसभाले गर्नेछ ।
