काठमाडौं । कर्मचारी सञ्चय कोष, पुल्चोकले विभिन्न पदमा ३८ जना कर्मचारी मागेको छ । कोषले आठौँ तहको प्रबन्धकदेखि पाँचौँ तहको प्रमुख सहायकसम्म कर्मचारी मागेको हो ।
कोषले आजदेखि २१ दिनसम्म प्रशासन, कानुन, प्राविधिक, सूचना प्रविधिलगायत रिक्त पदरहरुमा दरखास्त दिन सक्नेछन् । तोकिएको योग्यता पुगेका इच्छुक आवेदकले सूचनामा तोकिएबमोजिमको प्रक्रिया पूरा गरी कोषको अनलाइन दरखास्त प्रणाली https://vacancy.epf.org.np मार्फत् आवेदन दिनुपर्नेछ ।
परीक्षा प्रमुख सहायक पदमा लिखित, कम्प्युटर सीप परीक्षण तथा अन्तर्वार्ता र अन्य सबै पदहरूमा लिखित तथा अन्तर्वार्ता हुनेछ ।
आवश्यक न्यूनतम शैक्षिक योग्यता :
(१) आठौं तह, प्रबन्धक पदको लागिः मान्यता प्राप्त शिक्षण संस्थाबाट व्यवस्थापन संकायमा स्नातकोत्तर उत्तीर्ण वा मानविकी संकायअन्तर्गत अर्थशास्त्र विषयमा स्नातकोत्तर वा सो सरह उत्तीर्ण गरेको र कुनै सरकारी सेवा वा प्रचलित कानूनबमोजिम स्थापित भएको संगठित संस्थामा अधिकृतस्तरको पदमा ५ वर्ष कार्य गरेको अनुभव हासिल गरेको ।
(२) सातौं तह, उप प्रबन्धक पदको लागिः मान्यता प्राप्त शिक्षण संस्थाबाट व्यवस्थापन संकायमा स्नातकोत्तर वा मानविकी संकायअन्तर्गत अर्थशास्त्र विषयमा स्नातकोत्तर वा सो सरह उत्तीर्ण गरेको र कुनै सरकारी सेवा वा प्रचलित कानूनबमोजिम स्थापित भएको संगठित संस्थामा अधिकृत स्तरको पदमा ५ वर्ष कार्य गरेको अनुभव हासिल गरेको ।
(३) सातौं तह, उपप्रबन्धक (चार्टर्ड एकाउन्टेट) पदको लागि: मान्यता प्राप्त शिक्षण संस्थाबाट चार्टड एकाउन्टेन्सी उपाधि प्राप्त गरेको र कुनै विषयमा स्नातकोत्तर उत्तीर्ण गरेको तथा कुनै सरकारी सेवा वा प्रचलित कानून बमोजिम स्थापित भएको संगठित संस्थामा अधिकृतस्तरको पदमा ५ वर्ष कार्य गरेको अनुभव हासिल गरेको ।
(४) छैठौं तह, सहायक प्रबन्धक पदको लागिः मान्यता प्राप्त शिक्षण संस्थाबाट व्यवस्थापन संकायमा स्नातकोत्तर वा मानविकी संकाय अन्तर्गत अर्थशास्त्र विषयमा स्नातकोत्तर वा सो सरह उपाधि प्राप्त गरेको ।
(५) छैठौं तह, सहायक प्रबन्धक (कानून) पदको लागिः मान्यता प्राप्त शिक्षण संस्थाबाट कानून विषयमा स्नातकोत्तर वा सो सरह उपाधि प्राप्त गरेको ।
(६) छैठौं तह, सहायक प्रबन्धक ( सिष्टम ) पदको लागि मान्यता प्राप्त शिक्षण संस्थाबाट कम्प्युटर विज्ञान वा सूचना प्रविधि वा कम्प्युटर इन्जिनियरिङ्ग विषयमा स्नातक वा सो सरह उपाधि प्राप्त गरेको ।
(७) पाँचौ तह, प्रमुख सहायक पदको लागि मान्यता प्राप्त शिक्षण संस्थाबाट व्यवस्थापन संकायमा स्नातक वा मानविकी संकायअन्तर्गत अर्थशास्त्र विषयमा स्नातक वा सो सरह उपाधि प्राप्त गरेको ।
(ङ) स्थायी वा अस्थायीः स्थायी ।
(च) निवृत्तभरण : कर्मचारी सञ्चय कोष, कर्मचारी सेवा शर्त नियमावली, २०७८ बमोजिम योगदानमा आधारित निवृत्तभरण पाउने ।
(छ) उमेरको हदः
(१) पाँचौ तहको पदमा दरखास्त दिने अन्तिम मितिसम्ममा अठार वर्ष उमेर पूरा भई पैतीस वर्ष ननाघेको । तर महिला र अपाङ्गको हकमा चालीस वर्ष नाघेको ।
(२) छैठौ तहको पदमा एक्काईस वर्ष पूरा भै पैतीस वर्ष ननाघेको। तर महिला र अपाङ्गको हकमा चालीस वर्ष ननाघेको ।
(३) कार्य अनुभव चाहिने सातौं तह वा सोभन्दा माथिका तहमा दरखास्त दिने अन्तिम मितिसम्ममा एक्काईस वर्ष उमेर पूरा भई पैंतालीस वर्ष ननाघेको ।
(४) वहालवाला कोषका स्थायी कर्मचारीको हकमा उमेरको हद नलाग्ने ।
