काठमाडौं । नेपाली बजारमा नयाँ इलेक्ट्रिक कार प्रोटोन इमास–७ सार्वजनिक हुँदैछ । नेपालका लागि प्रोटोनको आधिकारिक वितरक जगदम्बा मोटर्सले आज इमास ७ ईभी सार्वजनिक गर्दै छ । औपचारिक रुपमा लन्च गर्दैछ ।
कम्प्याक्ट एसयूभी इमास–७ दुई भेरियन्टमा नेपाली बजारमा उपलब्ध हुनेछ ।
४९.५२ किलोवाट आवरको ब्याट्री प्याकबाट सुसज्जित प्राइम भेरियन्टले ३४५ किलोमिटर र ६०. २२ किलोवाट आवर ब्याट्री प्याकको प्रिमियरले ४१० किलोमिटर रेञ्ज प्रदान गर्ने दाबी गरिएको छ ।
कारमा नयाँ पुस्ताको एजिस सर्ट ब्लेड ब्याट्री प्रविधि प्रयोग गरिएको छ । यो एलएफपी ब्याट्रीभन्दा प्रभावकारी हुने कम्पनीको विश्वास छ ।
जगदम्बा मोटर्सले प्राइम भेरिएन्टको मूल्य ५६ लाख ९९ हजार रुपैयाँ र प्रिमियम भेरिएन्टको ६७ लाख ९९ हजार रुपैयाँ तोकिएको छ । यसको बुकिङ केही समय पहिले देखि नै खुला गरिएको थियो ।
