काठमाडौं । पछिल्लो दुई साता शेयर बजार निरन्तर घटेको पाइन्छ । गत साता एक दिन बढेको शेयर बजार त्यसपछिका दिनहरुमा निरन्तर घटेको छ । हाल नेपाल स्टक एक्सचेञ्ज (नेप्से) परिसूचक २६०० मा आएर खुम्चिएको छ , जसले गर्दा लगानीकर्ताहरुले आफनो लगानी गुमाउन पुगेका छन् ।
यो साता कारोबार रकम र बजार पुँजीकरण रकम घट्दा लगानीकर्ताले आफनो लगानी गुमाउन पुगेका हुन् ।
नेपाल स्टक एक्सचेञ्ज (नेप्से) ले उपलब्ध गराएका तथ्यांक अनुरुप गत साताको तुलनामा यो साता ८ अर्ब ८० करोड १२ लाखले कारोबार रकम घटेको छ । गत साता ३५ अर्ब ९ करोड ८१ लाख रहेको कारोबार रकम यो साता २६ अर्ब २९ करोड ६८ लाखमा सीमित हुन पुगेको छ ।
कारोबार रकमसँगै बजार पुँजीकरण रकम पनि घटेको छ । गत साताको तुलनामा यो साता बजार पुँजीकरण रकम १ खर्ब ११ अर्ब १५ करोडले बजार पुँजीकरण रकममा कमी आएको छ । गत साता ४५ खर्ब ४३ अर्ब ८१ करोड बजार पुँजीकरण रकम रहेकोमा यो साता ४४ खर्ब ३२ अर्ब २७ करोड रहेको छ ।
कारोबार रकम, बजार पुँजीकरण रकम सँगै कारोबार कित्ता शेयरको संख्या पनि ओरालो लागेको छ । गत साताको तुलनामा यो साता कारोबार कित्ता शेयर २ करोड ४९ लाख ९० हजारले घटेको हो । गत साता ७ करोड ६३ लाख २२ हजार शेयर कित्ता कारोबार हुदाँ यो साता ५ करोड १३ लाख ३१ हजार शेयर कित्ता कारोबार संख्या पुगेको छ ।
नेप्सेले उपलब्ध गराएको तथ्यांक अनुरुप नेप्से परिसूचक पनि २६०० माथि रहेको छ । यो साता नेप्से परिसूचक २६६९.३१ विन्दुमा पुगेर बन्द भएको छ । जुन गत साताको तुलनामा यो साता नेप्से परिसूचक ६७.१७ अंकले घटेको हो । गत साता नेप्से परिसूचक २७३६.४८ विन्दुमा पुगेर बन्द भएको थियो । यो साता सेन्सेटिभ इन्डेक्स पनि ४४७.७० विन्दुमा पुगेर बन्द भएको छ । जुन गत साताको तुलनामा ११.३३ अंकले घटी हो । गत साता सेन्सेटिभ इन्डेक्स ४५९.०३ विन्दुमा पुगेर बन्द भएको थियो ।
नेप्सका अनुसार समीक्षा अवधिमा समूहगत परिसूचक भने करिब शतप्रतिशतले घटेको छ । गत साताको तुलनामा यो साता व्यापार ७५ अंकले बढ्दा बैंकिङ ३०, विकास बैंक २२७, वित्त ११२, होटल र पर्यटन ७२ र जलविद्युत १११ अंकले घटेको हो । साथै सोहि अवधिमा लगानी ३, जीवन बीमा ५२०, उत्पादन र प्रशोधन ६१, लघुवित्त ११८, म्युअुचल फण्ड ०.१५, निर्जीवन बीमा ३४१ र अन्य समूह ७४ अंकले घटेको हो ।
