काठमाडौं । ६ कारोबार दिन पछि शेयर बजार बढेको छ । साताको दोस्रो दिन सोमबार शेयर बाजर बढेको छ । सोमबार नेपाल स्टक एक्सचेन्ज, नेप्से परिसूचक २६.१० अंकले बढेर २६४०.७८ विन्दुमा पुगेर बन्द भएको छ । क वर्गको मापन गर्ने सेन्सेटिभ इन्डेक्स भने ४.०९ अंकले बढेर ४४३.४२ विन्दुमा पुगेर बन्द भएको छ । साथै फोल्ट इन्डेक्स १.७८ र सेन्सेटिभ फोल्ट इन्डेक्स भने १.२८ अंकले बढेको हो ।
सोमबार ३२६ वटा कम्पनीको ९७ लाख ३९ हजार ७३८ कित्ता शेयर खरिद बिक्री हुँदा कारोबार रकम ४ अर्ब ४८ करोड ३५ लाख ९९ हजार पुगेको छ । सोमबार ५८ हजार २३५ पटक करोबार भएको हो । जुन आइतबारको तुलनामा १ अर्ब ८३ करोड ६५ लाख ४२ हजारले कारोबार रकम कम हो । आइतबार ३१७ वटा कम्पनीको १ करोड २३ लाख ७१ हजार २८० कित्ता शेयर खरिद बिक्री हुदाँ ६ अर्ब ३२ करोड १ लाख ४१ हजार करोबार रकम पुगेको थियो ।
साथै यसदिन बजार पुँजीकरण रकम ४३ खर्ब ८५ अर्ब ७ करोड पुगेको छ ।
यसदिन २१० वटा कम्पनीकोे शेयर मूल्य बढ्दा ३३ वटा कम्पनीको शेयर मूल्य घटेको छ ।
यस दिन शतप्रतिशतले उपसमूह बढेको छ । बैंकिङ १०, विकास बैंक ४०, वित्त ८७, होटल र पर्यटन ६६, जलविद्युत ३३, लगानी ०.८६, जीवन बीमा १९१, उत्पादन र प्रशोधन ५६, लघुवित्त ३८, म्युअुचल फण्ड ०.०८, निर्जीवन बीमा ८०, व्यापार ३४३ र अन्य समूह ३५ अंकले बढेको हो ।
यस दिन रकमको आधारमा सर्वाधिक कारोबार हुने कम्पनीहरुमा हिमालयन रिइन्स्योरेन्स,सीइडबीबी होल्डीङस लिमिटेड, एनआरएन इन्फ्रास्ट्रक्चर एण्ड डेभलपमेन्ट कम्पनी, घल्मेदी हाइड्रोपावर र सिन्धु विकास बैंक रह्यो ।
हिमालयन रिइन्स्योरेन्सको ३२ करोड ६९ लाख,सीइडबीबी होल्डीङस लिमिटेडको १५ करोड २९ लाख, एनआरएन इन्फ्रास्ट्रक्चर एण्ड डेभलपमेन्ट कम्पनीको १२ करोड ९६ लाख, घल्मेदी हाइड्रोपावरको १२ करोड ४४ लाख र सिन्धु विकास बैंकको ११ करोड ८५ लाख बराबर करोबार भयो ।
