काठमाडौं । साताको तेस्रो दिन मंगलबार शेयर बजार घटेको छ । यो सँगै सातौं दिनमा बढेको शेयर बजार पुनः घटेको हो ।
मंगलबार नेपाल स्टक एक्सचेन्ज, नेप्से परिसूचक ५८.०५ अंकले घटेर २५८२.७३ विन्दुमा पुगेर बन्द भएको छ । क वर्गको मापन गर्ने सेन्सेटिभ इन्डेक्स भने ८.४४ अंकले घटेर ४३४.९७ विन्दुमा पुगेर बन्द भएको छ । साथै फोल्ट इन्डेक्स ३.९३ र सेन्सेटिभ फोल्ट इन्डेक्स भने २.८३ अंकले घटेको हो ।
मंगलबार ३२५ वटा कम्पनीको १ करोड ११ लाख ५५ हजार ९५५ कित्ता शेयर खरिद बिक्री हुदाँ कारोबार रकम ५ अर्ब १८ करोड ७ लाख १८ हजार पुगेको छ । मंगलबार ६२ हजार २१ पटक करोबार भएको हो । यो सँगै सोमबारको तुलनामा कारोबार रकम ६९ करोड ७१ लाख १९ हजारले बढेको छ ।
सोमबार ३२६ वटा कम्पनीको ९७ लाख ३९ हजार ७३८ कित्ता शेयर खरिद बिक्री हुँदा कारोबार रकम ४ अर्ब ४८ करोड ३५ लाख ९९ हजार पुगेको थियो भने सोमबार ५८ हजार २३५ पटक करोबार भएको हो ।
साथै यसदिन बजार पुँजीकरण रकम ४२ खर्ब ८८ अर्ब ६७ करोड पुगेको छ ।
यसदिन ४ वटा कम्पनीकोे शेयर मूल्य बढ्दा २४० वटा कम्पनीको शेयर मूल्य घटेको छ ।
यस दिन शतप्रतिशतले उपसमूह घटेको छ । बैंकिङ १९, विकास बैंक १६६, वित्त ९०, होटल र पर्यटन १७६, जलविद्युत ११६, लगानी २.१९, जीवन बीमा २९३, उत्पादन र प्रशोधन १०८, लघुवित्त १२०, म्युअुचल फण्ड ०.०९, निर्जीवन बीमा ३०१, व्यापार ७६ र अन्य समूह ४३ अंकले घटेको हो ।
यस दिन रकमको आधारमा सर्वाधिक कारोबार हुने कम्पनीहरुमा हिमालयन रिइन्स्योरेन्स,
नेपाल रिइन्स्यारेन्स, युनाईटेड मर्दी हाइड्रोपावर , एनआरएन इन्फ्रास्ट्रक्चर एण्ड डेभलपमेन्ट कम्पनी र सीइडबीबी होल्डीङस लिमिटेड रह्यो ।
हिमालयन रिइन्स्योरेन्सको २३ करोड २० लाख, नेपाल रिइन्स्यारेन्सको २१ करोड ३९ लाख, युनाईटेड मर्दी हाइड्रोपावरको १७ करोड ३४ लाख , एनआरएन इन्फ्रास्ट्रक्चर एण्ड डेभलपमेन्ट कम्पनीको १४ करोड ८८ लाख र सीइडबीबी होल्डीङस लिमिटेको १३ करोड ८१ लाख बराबर करोबार भयो ।
