काठमाडौं । नेपाल राष्ट्र बैंकले बैंकहरूको मुद्दति निक्षेपमा ४ अर्ब ५३ लाख १७ हजार रुपैयाँ लगानी गर्ने भएको छ । केन्द्रीय बैंकले मंगलबार सूचना जारी गर्दै विभिन्न कोषहरूमा रहेको रकम लगानी गर्नुपर्ने भएकोले राष्ट्र बैंकबाट इजाजतपत्र प्राप्त बैंक तथा वित्तीय संस्थाहरुमा उक्त लगानी गर्न लागेको हो ।
इच्छुक क, ख र ग वर्गका बैंकलेअप्रिल १५, २०२५ देखि अप्रिल १५, २०२६ सम्म ३६६ दिनको मुद्दती निक्षेपको रूपमा लिन चाहेको रकम खुलाई राष्ट्र बैंकको बिहीबार राति १२ बजेभित्र राष्ट्र बैंकको इमेलमा आवेदन दिन सक्नेछन् ।
क वर्गका वाणिज्य बैंकलाई ३ अर्ब ६६ करोड, ख वर्गका राष्ट्रिय स्तरका विकास बैंकलाई ६७ करोड ९७ लाख र ग वर्गका राष्ट्रिय स्तरका वित्त कम्पनीका लागि २२ करोड ६५ लाख रुपैयाँ छुट्याइएको छ ।
