काठमाडौं । सोमबार सार्वजनिक बिदा पछि खुलेको साताको तेस्रो दिन मंगलबार शेयर बजार दोहोरो अंकले घटेको छ ।
मंगलबार नेपाल स्टक एक्सचेन्ज, नेप्से परिसूचक १६.९५ अंकले घटेर २६७६.१७ विन्दुमा पुगेर बन्द भएको छ । क वर्गको मापन गर्ने सेन्सेटिभ इन्डेक्स भने ३.५७ अंकले घटेर ४४६.६९ विन्दुमा पुगेर बन्द भएको छ । साथै फोल्ट इन्डेक्स १.४७ र सेन्सेटिभ फोल्ट इन्डेक्स भने १.०६ अंकले घटेको हो । सोमबार इदको अवसरमा सरकारले सार्वजनिक बिदा दिएको थियो ।
मंगलबार ३२० वटा कम्पनीको १ करोड ६ लाख ७० हजार ६४९ कित्ता शेयर खरिद बिक्री हुँदा कारोबार रकम ५ अर्ब ७९ करोड ७७ लाख ९१ हजार पुगेको छ । जुन आइतबारको तुलनामा १ अर्ब ७७ करोड ४ लाख ३५ हजारले कम हो । आइतबार ३२३ वटा कम्पनीको १ करोड ५५ लाख ७२ हजार ८६२ कित्ता शेयर खरीद बिक्री हुँदा कारोबार रकम ७ अर्ब ५६ करोड ८२ लाख २६ हजार पुगेको थियो ।
साथै मंगलबार बजार पुँजीकरण रकम ४४ खर्ब ४३ अर्ब ८२ करोड पुगेको छ । यसदिन ४२ वटा कम्पनीकोे शेयर मूल्य बढ्दा २०१ वटा कम्पनीको शेयर मूल्य घटेको छ ।
यस दिन १ वटा उपसमूह बढ्दा बाँकी १२ वटा घटेको छ । व्यापार १६३ अंकले बढ्दा बैंकिङ १०, विकास बैंक ५३, वित्त ४८, होटल र पर्यटन ११४, जलविद्युत ३३, लगानी ०.४९, जीवन बीमा ८६, उत्पादन र प्रशोधन ३८, लघुवित्त ५४, निर्जीवन बीमा ४७ र अन्य समूह ३४ अंकले घटेको हो ।
यस दिन रकमको आधारमा सर्वाधिक कारोबार हुने कम्पनीहरुमा हिमालयन रिइन्स्योरेन्स, एनआरएन इन्फ्रास्ट्रक्चर एण्ड डेभलपमेन्ट कम्पनी, सीइडबीबी होल्डीङस लिमिटेड, नेपाल रिइन्स्यारेन्स र हिमालयन पावर पार्टनर रह्यो । हिमालयन रिइन्स्योरेन्सको ६४ करोड २५ लाख, एनआरएन इन्फ्रास्ट्रक्चर एण्ड डेभलपमेन्ट कम्पनीको ४५ करोड ६० लाख, सीइडबीबी होल्डीङस लिमिटेडको २७ करोड ७७ लाख, नेपाल रिइन्स्यारेन्सको २६ करोड ६६ लाख र हिमालयन पावर पार्टनरको २१ करोड २९ लाख रहेको छ ।
