काठमाडौं । टाइम फर्मास्युटिकल्स लिमिटेडले धितोपत्रको प्रारम्भिक सार्वजनिक निष्काशन (आईपीओ) ल्याउने भएको छ ।
कम्पनीले आईपीओ प्रस्तावसहित २०८२ वैशाख ११ गते कम्पनीको उद्योग परिसर गैँडाकोट १० भैसाखोरीमा साधारणसभा बैठक डाकेको छ । बैठकले आईपीओसम्बन्धी सम्पूर्ण कार्य अगाडि बढाउनको लागि सञ्चालक समितिलाई अख्तियारी दिने विशेष प्रस्ताव गरिएको छ ।
हालको जारी पूँजी ४२ करोड ९१ लाख ११ हजार ८०० रुपैयाँलाई ४६ करोड रुपैयाँ कायम गर्ने विशेष प्रस्ताव गरिएको छ । कम्पनीको जारी पूँजी मध्ये ७९.३४७८ प्रतिशत संस्थापक “क” समुहको लागि र २०.६५२१ प्रतिशत सर्वसाधारण शेयरधनीहरु “ख” समुहलाई वितरण हुनेछ ।
नियम २७ (२) मा संसोधन गरी कम्तीमा १ जना महिला संचालक सहित संस्थापक समूहबाट ५, सर्वसाधारण समूहबाट १ र स्वतन्त्र सञ्चालक १ जना गरी कुल ७ जनाको सञ्चालक समिति बनाउने र सोही बमोजिमनै नियम २७ (८) संसोधन गर्ने, २) कम्पनीले बुक बिल्डिङ्ग विधिबाट साधारण शेयर निष्काशन गर्ने सम्बन्धमा, सार्वजनिक निष्काशनबाट प्राप्त रकमको उपयोग सम्बन्धमा छलफल गर्ने लगायतका साधारणसभाका एजेण्डा रहकेा छन् ।
कार्यकारी अध्यक्ष, प्रबन्ध सञ्चालक, कम्पनीको व्यवस्थापनको जिम्मेवारी लिने सञ्चालकहरु तथा अन्य सञ्चालकहरुका पारिश्रमिक, भत्ता तथा अन्य सुविधा निर्धारण पनि साधारणसभाले गर्नेछ ।
