काठमाडौं । काठमाडौं उपत्यकामा उच्च वायु प्रदूषण भएको छ । काठमाडौंको वायु निकै अस्वस्थकरको तहमा पुगेको हो ।
काठमाडौं प्रदूषित शहरको सूचीमा बुधबार बिहान विश्वमै दोस्रो नम्बरमा छ । काठमाडौंभन्दा धेरै प्रदूषित हावा भारतको दिल्लीमा छ ।
आइक्यूएयरको तथ्यांक अनुसार आज बिहान काठमाडौंको औसत एयर क्वालिटी इन्डेक्स (एक्यूआई) २६८ माइक्रोग्राम प्रतिघनमिटर मापन गरिएको छ ।
पहिलो स्थानमा रहेका दिल्लीमा बिहान ३९५ प्रतिघण्टा २६१ माइक्रोग्राम प्रतिघनमिटर मापन गरिएको छ ।प्रदूषणले काठमाडौंको आकाश तुवालोले ढाकेको छ । तुवालोका कारण काठमाडौंमा घाम देखिएको छैन । जबकि १०१ देखि १५० लाई नै संवेशनशील समूहका लागि अस्वस्थ मानिन्छ । १५१ देखि २०० सम्मलाई अस्वस्थ, २०१ देखि ३०० सम्मलाई निकै अस्वस्थ र ३०१ भन्दा माथि मापन भए खतरनाक तह पुगेको मानिन्छ ।
उपत्यका र उपत्यका नजिकका क्षेत्रहरुमा आगलागी हुँदा पनि वायु प्रदुषण बढको पाइन्छ ।
