काठमाडौं । मंगलबार घटेको शेयर बजार बुधबार दोहोरो अंकले बढेको छ ।
बुधबार नेपाल स्टक एक्सचेन्ज, नेप्से परिसूचक २३.८६ अंकले बढेर २७००.०४ विन्दुमा पुगेर बन्द भएको छ । क वर्गको मापन गर्ने सेन्सेटिभ इन्डेक्स भने १.०८ अंकले बढेर ४४७.७७ विन्दुमा पुगेर बन्द भएको छ । साथै फोल्ट इन्डेक्स ०.८३ र सेन्सेटिभ फोल्ट इन्डेक्स भने ०.४५ अंकले बढेको हो ।
बुधबार ३१८ वटा कम्पनीको १ करोड ४ लाख ४२ हजार कित्ता शेयर खरिद बिक्री हुँदा कारोबार रकम ५ अर्ब ४४ करोड ४४ लाख ३५ हजार पुगेको छ । जुन मंगलबारको तुलनामा कारोबार रकम ३५ करोड ३३ लाख ५६ हजारले कम हो । मंगलबार ३२० वटा कम्पनीको १ करोड ६ लाख ७० हजार ६४९ कित्ता शेयर खरिद बिक्री हुँदा कारोबार रकम ५ अर्ब ७९ करोड ७७ लाख ९१ हजार पुगेको थियो ।
बुधबार बजार पुँजीकरण रकम ४४ खर्ब ८३ अर्ब ४६ करोड पुगेको छ । यसदिन १६६ वटा कम्पनीकोे शेयर मूल्य बढ्दा ७८ वटा कम्पनीको शेयर मूल्य घटेको छ ।
यस दिन ११ वटा उपसमूह बढ्दा बाँकी २ वटा घटेको छ । बैंकिङ ७, विकास बैंक १७, वित्त ८०, होटल र पर्यटन ३८, जलविद्युत १५, लगानी १.४९, जीवन बीमा ३५, लघुवित्त ९, म्युअुचल फण्ड ०.१३, व्यापार ४२१ र अन्य समूह ९ अंकले बढ्दा उत्पादन र प्रशोधन १०७ र निर्जीवन बीमा ३३ अंकले घटेको हो ।
यस दिन रकमको आधारमा सर्वाधिक कारोबार हुने कम्पनीहरुमा सीइडबीबी होल्डीङस लिमिटेड, हिमालयन रिइन्स्योरेन्स, ङादी ग्रुप पावर लिमिटेड, एनआरएन इन्फ्रास्ट्रक्चर एण्ड डेभलपमेन्ट कम्पनी र हिमालयन पावर पार्टनर रह्यो ।
सीइडबीबी होल्डीङस लिमिटेडको ३६ करोड ५५ लाख, हिमालयन रिइन्स्योरेन्सको ३५ करोड ६ लाख, ङादी ग्रुप पावर लिमिटेडको २७ करोड ३२ लाख, एनआरएन इन्फ्रास्ट्रक्चर एण्ड डेभलपमेन्ट कम्पनीको २६ करोड ६६ लाख र हिमालयन पावर पार्टनरको २२ करोड ४९ लाख बराबर करोबार भएको छ ।
